E diel, 22 Nëntor 2026 Lajme Ora 15:00 dhe Moti deri në 15:40 Në vijim ora 15:40: Safir Reklamo Kontakt Karriera
Vizion Plus
Video · Politikë

Topalli: Basha iku si frikacak, ia fali Ramës të gjitha pushtetet. Bëri vrasje politike

Kryetarja e Lëvizjes për Ndryshim, Jozefina Topalli ishte e ftuar në Spotlight nga Alban Dudushi, në Vizion Plus. Midis të tjerash u diskutua edhe vendimi i opozitës për të dorëzuar mandatet.

Topalli u shpreh se Basha iku si frikacak. Sipas saj, i fali Ramës të gjitha pushtetet, e më tej bëri vrasje politike.

Jozefina Topalli: Ajo ishte ikja e frikacakut nga beteja e luftës. Nga beteja nuk iket. Betejës i qëndrohet përballë. Nuk i iket kryeministrit. I ngrihet aty dhe i ngren çdo problem që ka. Siç e kemi bërë ndër vite, qoftë në opozitën e parë, qoftë në opozitën e dytë. Ikja është frikë, mungesë përballjeje, mosbesim tek vetja.

Alban Dudushi: Iku, por ishte në shesh, në rrugë, duke e tensionuar situatën dhe duke vënë në vështirësi të gjithë qeverisjen socialiste të asaj periudhe.

Jozefina Topalli: Në fakt, duke i krijuar vendit tonë një imazh që nuk I ka bërë nder. Duke mos pranuar për të hyrë në zgjedhje, se kishte frikë. Duke i falur Edi Ramës të gjithë pushtetin parlamentar, gjithë pushtetin e opozitës, gjithë këshillat bashkiakë. Është një rast unik që unë besoj se do hyjë në vitet e ardhshme për tu studiuar larg revolucioneve të ditëve të sotme. Rast, për mua, i një papërgjegjshmërie të frikshme që jo vetëm nuk prodhoi atë që ai premtoi, por që në fakt krijoi një precedent shumë të rrezikshëm. Në vetvete është një vrasje politike.

Më shumë video

Reklamë