Tonin Vocaj, në krye të Tiranës/ Sokol Bizhga emerohet zv.drejtor i përgjithshëm i Policisë

Tre muaj pasi mori drejtimin e Policisë së Shtetit, Muhamet Rrumbullaku firmosi nje sërë ndryshimesh të rëndësishme në strukturat e varësisë.

I pari i larguar është zëvendësi i tij, Tonin Vocaj. Ai është emëruar drejtor i Policisë së Tiranës. Ai mori vendin e Lorenc Panganikes, i cili u dërgua në Akademinë e Sigurisë.

Personi që pritet të mbajë postin e zëvendës drejtuesit të Policisë së Shtetit do të jetë Sokol Bizhga.

Ndryshimet përfshijnë edhe disa qarqe te tjera kryesore të vendit. Ermal Muça është emëruar drejtor në Vlorë, Niko Brahimaj në Fier dhe Ervin Hodaj, në Shkodër.