Për vaksinën anti-COVID duhet të pritet ende pa afat. Anëtarja e Komitetit Teknik të Ekspertëve, Eugena Tomini deklaroi për “Quo Vadis” se brenda vitit 2020 dozat e para të vaksinës nuk do të jenë gati.
“Është akoma pa përgjigje se kur do të kemi dozat e para të vaksinës, edhe pse qeveria shqiptare ka paguar grantin. Është planifikuar buxheti, jemi renditur, por është ende herët. Sepse një vaksinë duhet të kalojë disa stade. Brenda 2020 nuk është.”
Eugena Tomini specifikoi se për grupet e riskut do të jenë të parët që do të vaksinohen kundër koronavirusit. Por shtoi se është ende herët për të diskutuar për protokollin e zbatimit të vaksinës.
