Persona të paidentifikuar mësohet të kenë nisur një aksion të gjerë me helmimin e qenëve të rrugës në qytetin e Korçës, madje ka patur raste kur janë helmuar dhe qenë shtëpie.
Kanë qenë vetë qytetarët korçarë ata që kanë bërë të ditur se persona të panjohur brenda pak orësh kanë helmuar disa qenë rrugësh.
Ndërkohë, qentë e rrugës janë kthyer në shqetësim serioz për qytetarët korçarë, megjithatë nga bashkia nuk janë marrë masa për rehabilitimin e tyre.
Kujtojmë që ky nuk është rasti i parë që helmohen qentë e rrugës në Korçë. Edhe rreth një vit e gjysmë më parë ka ndodhur diçka e tillë dhe banorët kanë gjetur qentë e helmuar nëpër rrugë. /vizionplus.tv
