Tjetërsoi pronat në Dhërmi, burg për topografin e bashkisë së Himarës

Gjykata e Vlorës ka caktuar masën e sigurisë “arrest me burg” ndaj Elton Arqile Marko, topograf i Bashkisë Himarë.

Marko akuzohet se ka falsifikuar aktin e marrjes së tokave në pronësi dhe se ka përdorur formularin për regjistrimin e një toke, të cilën më pas e shiti.

Seanca gjyqësore u drejtua  nga relatore Herila Cela. Marko është paraqitur vetë në seancën e sotme, ku është njohur me masën arrest me burg.