Tjetër sulm në Gjermani

Gjermania është tronditur nga një tjetër ngjarje e rëndë, kur një doktor është vrarë me armë zjarri në nje spital ne Berlin. Autori i këtij krimi më pas ka vrarë dhe veten. Ende nuk janë zbardhur shkaqet, por ajo që policia ka konfirmuar është fakti se personi ka vepruar i vetëm dhe se ngjarja nuk ka sfond terrorist. Pak momente pas vrasjes, e gjithë ndërtesa spitalore u evakuua, ndërsa forcat e rendit ishin mobilizuar nga frika e një sulmi nga ISIS. Kjo është ngjarja e pestë radhazi që ka tronditur Gjermaninë që prej 18 korrikut. Nga këto, tre janë kryer nga emigrantë, të cilët kanë shkaktuar 10 viktima dhe 34 të plagosur.