Turqia u trondit nga një tjetër shpërthim, ne shënjestër te te cilit ishin serish forcat e sigurisë. Nje bombe e telekomanduar ndaj nje karvani te mjeteve te ushtrisë shpërtheu kete te enjte ne juglindje te vendit. Nga shpërthimi i bombës gjeten vdekjen 6 ushtare dhe nje tjeter u plagos rende. Sulmi ndodhi ne një autostradë mes qyteteve Diarbakir dhe Bingol. Mbrëmjen e kaluar nga nje sulm kamikaz ne kryeqytetin Ankara gjeten vdekjen 28 persona dhe u plagosen 61 te tjere. Kryeministri turk Ahmet Davutoglu dha detaje per kamikazin dhe deklaroi se sulmi terrorist eshte kryer nga milicia kurde ne Siri dhe se deri tani jane prangosur 14 persona. Ekziston nje lidhje direkte mes sulmit dhe njësive te mbrojtjes se kurdëve siriane. Ai u krye me mbështetjen logjistike te militanteve te Partisë Punëtoreve te Kurdistanit. Megjithatë kurdët ne Siri e kane mohuar përfshirjen ne kete ngjarje. Sipas qeverise, kamikaze eshte nje sirian 24-vjeçar qe kishte mbërritur ne Turqi si refugjat. Identifikimi i tij u be i mundur fale shenjave te gishtërinjve qe i kishte marre policia ne momentin e hyrjes ne vend. Njësia e mbrojtjes se kurdeve siriane konsiderohet terrorist nga Ankaraja por jo nga SHBA per shkak te përfshirjes ne luftën kundër shtetit islamik dhe Davutoglu deklaroi se pret bashkëpunim nga aleatet për ta luftuar. Muajt e fundit sulmet kundër ushtareve janë shtuar ne Turqi, pas rinisjes se luftimeve mes tyre dhe luftëtareve kurd. Prej disa ditesh artileria turke po bombardon edhe pozicionet e miliceve kurdë ne veri te Sirise, pak km nga kufiri.

Leave a Reply

Your email address will not be published.