Tjetër rekord vdekjesh në Itali, 743 viktima vetëm këtë të martë
Dy ditët e fundit ishin thjesht një iluzion mesa duket në drejtim të uljes së numrit të viktimave në Itali.
Për fat të keq shifrat e viktimave këtë të martë janë sërish shumë të lartë.
Autoritetet bënë të ditur se kanë vdekur 743 persona këtë të martë, 141 më shumë se një ditë më parë. Totali i viktimave ka shkuar tashme ne 6820.
Numri I vdekjeve këtë të martë është padiskutim një rekord negative që I afrohet pikut të shënuar ditën e shtunë që ishte 793 viktima. Kreu i emergjencave Borrelli e justifikoi numrin e larte te viktimave me faktin qe jane shume personat ne terapi intensive, konkretisht jane 3396.
Lajmi i vetem pozitiv dhe domethenes eshte dita e trete radhazi ne ulje e numrit te pacienteve te rinj. Kete marte kemi 3612 raste reja ndersa te henen ishin 3780 raste.
Numri i pacienteve të shëruar në 24 orët e fundit ka qënë 894. ndersa ne total shifra e atyre qe jane sheruar ne mbare vendin ka shkuar ne 8326. Paciente aktiv me koronavirus jane 54 mije.
Qe nga pacienti i pare e deri me tani Italia numeron 69 mije e 176 raste pozitive, teksa me kete trend po i afrohet edhe numrit te te prekurve ne Kine ku shifra nuk i ka kaluar 81 mije.
Megjithate ndryshe nga Kina ku jane 3250 viktima, Italia ka nje mesatare shume me te larte viktimash. Ndonese me më pak të prekur, Italia e ka kaluar dyfishin e viktimave ne raport me Kinen, vendi ku shpertheu virusi.
