Tjetër përplasje mes emigrantëve dhe policisë në Idomeni

Rikthehet tensioni ne kampin e Idomenit, ne kufirin mes Greqisë dhe Maqedonisë. Dhjetëra emigrante tentuan te rrezojnë nje gardh me tela me gjemba per te kaluar ne territorin maqedonas, por policia e këtij vendi ka ndërhyre, duke përdorur gaz lotsjellës. Nje refugjat raportohet te jete lënduar. Vetëm tre dite me pare ishte shënuar nje përplasje e ngjashme mes emigranteve dhe policisë maqedonase, ku u lënduan dhjetëra persona. Kjo ngjarje ashpërsoi tonet mes Athinës dhe Shkupit, e autoritetet shkëmbyen akuza per përshkallëzimin e situatës. Mijëra refugjate vazhdojnë te qëndrojnë ne Greqi, ndërsa plani per transferimin e tyre drejt Turqise nuk ka dhënë ndonjë efekt deri tani. Zbarkimet e emigranteve ne brigjet greke, por edhe ato italiane nuk jane ndalur, edhe pse nuk ka gjasa per hapjen e kufijve nga vendet ballkanike. Ndërkaq, Austria ka shtuar kontrollet ne kufirin me Italinë, per shkak te frikës nga nje vale e re refugjatesh. Përveç përforcimeve ne pikat ekzistuese kufitare, ka nisur ndërtimi i nje pike tjetër qe lidh Austrinë dhe Italinë përmes Alpeve.