Nuk ka paqe për Skënderbeun që pas ankthit për vendimin e KAS në lidhje me pjesëmarrjen në Europë tashmë duhet të presë po me aq ankth edhe vendimin për dënimin e Jashanicës për përdorim të substancave dopuese.
Futbollisti i Skënderbeut ka shkuar në Gjenevë, për të dhënë dëshminë e tij sa i përket përdorimit të substancave të ndaluara për oficerët e kontrollit antidoping të UEFA-s.
Pritet që vendimi për këtë çështje të jetë brenda 15 ditësh.
Shpresat janë të mëdha që dënimi prej dy vitesh i 27-vjeçarit të ulet vetëm në një vit, që do e bënte mbrojtësin të rikthehej në fushën e lojës gjatë 2019.