Ky eshte trupi i katër vjecarit Andi Nezha, i cili nuk mundi te dale nga shtëpia e përfshire nga flaket, ndërsa pjesëtaret e tjerë te familjes se tij, prindërit bashke me fëmijën tjeter, nje foshnje 7 muajshe arritën te shpëtojnë. Banoret e pallatit qe ishin dëshmitare te ngjarjes se rende, thane se flaket u përhapen me shpejtësi dhe kryefamiljari Amarildo Nezha dhe gruaja e tij, munden te shpëtojnë vetëm foshnjën, ndërsa djali kishte mbetur i bllokuar ne ballkon. Banoret e tjere te pallatit u evakuuan menjëherë, ndërsa tre zjarrfikëse mbërritën ne vendngjarje e pas betejës se vështire me flaket qe u përhapën me shpejtësi, arriten te vene situatën nen kontroll pas rreth nje ore. Gjate ndërhyrjes, dy prej pjesëtareve te ekipit te zjarrfikësve mbeten te asfiksuar e u dërguan per ndihme mjekësore ne spital, ku janë jashtë rrezikut per jetën. Grupi hetimor, i cili mbërriti ne vendngjarje e pas mbikëqyrjes se apartamentit konstatoi se zjarri u shkaktua nga shpërthimi i nje bombole gazi. Ngjarja tronditese e kësaj te marte ne Tirane, vjen pas asaj qe ndodhi mbrëmjen e shkuar ne Beragozhde te Pogradecit, ku po nga shpërthimi i bombolës se gazit, dhjetëra persona mbeten te plagosur ne nje lokal qe shpërtheu ne flake.
