Një 44 vjeçar ra në prangat e policisë së Tiranës, pasi tregtonte mallra që vinin kontrabandë nga Kina. Policia arrestoi Erand Shalen, banues në Tiranë, ndërsa në magazinën e përshtatur në banesën e tij u gjetën qindra produkte kontrabandë.
Shala kishte mundur te shmangte Tatimin mbi Vlerën e Shtuar, për produktet të cilat i importonte nga Kina. Pas kontrollit të ushtruar në banesën e tij u gjetën edhe vula të falsifikuara të kompanive të ndryshme. Mes produkteve të sekuestruara janë 692 kg letra të lagura me logo të ndryshme, 23 600 prerëse për thonjtë, 21 400 termometra trupi, matësa tensioni, por edhe shishe me biberon për fëmijë.
