Policia e Tiranës ka bërë të mundur arrestimin e autorit të vrasjes së shtetsasit H.H., 30 vjeç që u vra në mbrëmjen e datës 11 tetor në zonën e Kombinatit.
Në një njoftim për shtyp, polica bëri të ditur se Shërbimet e Komisariatit Nr.6, pas një pune intesive dhe të mirëorganizuar hetimore bën kapjen dhe arrestimin e shtetasit Muhamet Sallahi, 25 vjeç banues në Tiranë.
Policia thotë se ky shtetas në mbrëmjen e datës 11 tetor 2018, në Rrugën “Bego Hoxha” në Kombinat për motive të dobëta ka goditur disa herë me mjet prerës në trup shtetasin H.H., 30 vjeç duke i shkaktuar këtij të fundit vdekjen.
Sakaq, polica ka sqaruar se materialet i janë referuar Prokurorisë pranë Gjykatës së Shkallës së Parë Tiranë. Shtetasi Muhamet Sallahi akuzohet për veprën penale “Vrasje me dashje” të parashikuar në nenin 76 të Kodit Penal.
