Stilisti i njohur Ardi Asllani ka përfaqësuar Shqipërinë me shumë sukses në një event prestigjoz të modës në Lubjanë të Sllovenisë.
Ardi Asllani ishte në mesin e 18 krijuesve më të mirë nga vende te ndryshme të Europës dhe ai u paraqit në këtë garë mode me fustanin e veshur nga Adrola Dushi që është pjesë e koleksionit “My Albania”.
Stilisti I njohur pjesë e televizionit Vizion Plus prej shumë vitesh, është vlerësuar me ‘4E’ nga organizatorët e eventit: ekzotik, eklektik, ekscentik, emocional.
Çmimi pritet të jepet më 16 tetor dhe fustani i frymëzuar nga rrugicat e qytetit të Tiranës, do të qëndrojë për një muaj në galerinë e hapur posaçërisht për muajin e “Design”.
Ardi Asllani gjithashtu është nominuar edhe si kandidat për kategorinë “It Factor Of Country”.
