Tirana mirëpriti sot samiti historik mes Bashkimit Europian dhe Ballkanit Perëndimor. 27 liderë të vendeve anëtare të unionit së bashku me udhëheqësit e rajonit u pritën nga kryeministri Rama në sheshin “Italia” para stadiumit “Air Albania”
Kryeministri i Maqedonisë, Dimitar Kovaçevskin, presidentja e Kosovës, Vjosa Osmani dhe ai Serb, Aleksandër Vuçiç mbërritën të parët.
Presidenti i Këshillit Europian, ai që iu drejtua samitit. Pasi shtrëngoi duart me kryeministrin Rama, Sharl Mishel theksoi se e ardhmja do të jetë më e sigurt me integrimin e Ballkanit perëndimor në BE.
CHARLES MICHEL – PRESIDENT I KE
Kemi punuar shumë kohët e fundit për të shenduar përparime, për të pasur një bashkëpunime të madh me Ballkanin Perëndimor dhe dua ta përsëris sot edhe një herë që jemi shumë të bindur që e ardhmja e Europës dhe e ardhmja e fëmijëve tanë do të jetë më e sigurt dhe më e begatë me Ballkanin Perëndimor pjesë e BE. Progresi dhe reformat janë të domosdoshme, gjithsecili duhet të përmbushë përgjegjësitë e veta dhe kjo është një etapë e afrimit me rajonin dhe kjo është e rëndësishme për ne
Ndërkohë presidentja e Komisionit Europian, Urusla Von Der Leyen nënvizoi se ky është një samit i një rëndësie të veçantë dhe se shpreson që Shqipëria të jetë pjesë e Bashkimit Europian sa më shpejtë.
URUSLA VON DER LEYEN – PRESIDENTE E KOMISIONIT EUROPIAN
Shpresojmë që Shqipëria pas çeljen së negociatave të jetë pjesë e BE-së
Pas shtrëngimit miqësor të duarve me kryeministrin shqiptar Edi Rama presidenti francez Emmanuel Macron theksoi se Europa duhet të jetë e bashkuar për energjinë.
EMMANUELE MACRON – PRESIDENT I FRANCES
Kam thënë gjithmonë të njëjtën gjë që, diskutimet gjuithashtu dhe lufta në ukrainë janë cështje sigurie për gjithë rajonin. Kemi që prej shkurtit e marsit që diskutojmë. Prandaj jemi në shqipëri për të diskutuar. Falenderoj kryeminsitrin Rama për këtë pritjen. Kemi projekte konkrete për të diksutuar. Është e rëndësishme që të kemi solidaritetin e tëgjithëve për energjinë gjithashtu dhe për integrimin në BE është e rëndësishme që të punohet drejt kësaj rruge. Do të kemi mundësi që dhe me kancelarin scholtz që të përgatisim konkluzione për energjinë.
Punimeve iu bashkua dhe kancelari gjerman Olaf Scholz, kryeministrja e Italisë Xhorxhia Meloni etj.
Më pas të gjithë liderët iu drejtuan më këmbë Pallatit të Kongreseve, ku nënshkruan marrëveshjen e parë mes operatorëve telefonikë të BE-së dhe Ballkanit Perëndimor për uljen e tarifave roaming,
Marrëveshje kjo që pritet të vihet në zbatim nga tetori i vitit 2023, ndërsa parashikon uljen e tarifave roaming për qytetarët e Ballkanit në vendet e unionit.
Pas mbylljeve të diskutimeve, kryeministri Rama, presidentja e Komisionit Europian Ursula Von der Leyen dhe presidentit të Këshillit Europian Charles Michel do të dalin në një konferencë të përbashkët për shtyp ku dhe do të bëjnë të ditura të gjitha çështjet e diskutuara.
