GAZETAR-VIZION PLUS
“Për të shmangur për të paktën një ditë përdorimin e automjeteve dhe për t’ua lënë vendin aktiviteteve të fëmijëve është vendosur që sot të mbahet dita pa makina. Kufizimet vlejnë nga ora 9 e mëngjesit deri në orën 15 në disa akse rrugore.”
Qarkullimi i mjeteve nuk u lejua në pjesën më të madhe të bulevardit “Dëshmorët e kombit” si dhe në disa nga rrugët lidhëse kryesore të qendrës.
Ndërkohë, në të gjitha akset e tjera lëvizja vijoi normalisht.
Për këtë ditë, bashkia Tiranë zhvilloi disa aktivitete, duke nisur me bandën frymore të qytetit që solli ritme pranverore.
Kjo e martë që shënon edhe festën e “Sulltan Nevruzit”, ishte pushim për mijëra njerëz të cilët zgjodhën të lënë makinat dhe të bëjnë shëtitje në këmbë ose me biçikleta në bulevard, në parkun rinia si dhe tel kodrat e liqenit.
Të kalosh ditën në një Tiranë pa trafikun përditshëm problematik, do të thotë më pak stres e më shumë ajër të pastër.
FLASIN QYTETARËT
1-Shumë bukur dita pa makina, qetësi, shumë qetësi. pa stres.
2-Shumë Bukur, ajër i pastër, ka lezet.
3-Na pastrohet ajri, ne pleqtë s’dalim dot larg, ecim pa merak këtej.
Edhe shoferët thonë se ndihen mirë. Por ata vënë në dukje se makinat po përdoren më pak edhe për shkak të shtrenjtimit te karburantit.
SHOFERË
Gjë e mirë është që njerëzit ndërgjegjësohen se kjo është edhe për ambientin se një ditë është. Ne kemi pasur shumë lehtësira, ishte ditë jo e zakonshme. Ndikon shumë pjesa e karburantit. Mbase e kanë kuptuar që duhet të përdorin mjetet publike dhe duhet të rrinë pa makina, dhe nafta ka bërë punën e vet.
Me rikthimin e nismës “Dita pa makina” bashkia synon sensibilizimin e qytetarëve për të mos përdorur gjerësisht automjetet, të cilat janë dhe ndotëset kryesore të ajrit.
