Policia ka marrë masa që të bllokojë rrugët për garantimin e sigurisë dhe mbarëvajtjene aktiviteteve gjatë finales mes Romës dhe Feyenoordit.
Ndeshja do të zhvillohet në stadiumin “Air Albania” dhe lëvizjet në kryeqytet gjatë ditës së sotme do të jenë të kufizuara.
Akses në rrugë do të kenë vetëm mjetet e emergjencës dhe të policisë ndërsa ka ndalim qarkullimi në disa rrugë.
Në rast emergjencash, qytetarët duhet të marrin urë ndërlidhëse në mënyrë që të mos ngarkojnë trafikun.
Akset drejt Aeroportit të Rinasit do të mund t’I përdorin vetëm personat që kanë një biletë për të udhëtuar jashtë shtetit.
• •Kufizimet më të mëdha do të jenë në rrugët nga do të vijnë tifozët, pra Rinas – Tiranë, Durrës – Tiranë, Fushë Krujë – Tiranë dhe Elbasan – Tiranë.• •Këto akse do të jenë të dedikuara vetëm për automjetet që do të transportojnë tifozët e të 2 skuadrave sportive.
• •Unaza e mesme do të jetë në dispozicion të automjeteve të tifozëve.
• •Në bashkëpunim me bashkinë e Tiranës janë përcaktuar edhe vendet e parkimit për këto automjete.
• •Unaza e vogël do të jetë e bllokuar. Të gjitha rrugët që lidhin unazën e mesme me unazën e vogël do të jenë të bllokuara.
• •Për 2 orë do të lejohen të qarkullojnë vetëm mjetet e Policisë, mjetet e përfaqësuesve të UEFA-s, automjetet e medias dhe të tifozëve që kanë bileta për parkim në parkimin e stadiumit.
• •Për raste emergjencash të ndryshme, qytetarët duhet të përdorin rrugë ndërlidhëse, që të mos ngarkojnë trafikun.
• •Lejohen të udhëtojnë në drejtim të Rinasit, vetëm ata qytetarë që kanë biletë për udhëtim jashtë vendit.
• •Qytetarët që udhëtojnë nga Tirana në drejtim në veriut, duhet të kalojnë në aksin Tiranë – Vorë – Fushë Krujë dhe jo në aksin Tiranë – Rinas – Fushë Krujë.
• •Nuk lejohet qarkullimi nga Fushë Kruja në drejtim të Rinasit, me qëllim për të kaluar në Tiranë. Lëvizja në këtë aks lejohet vetëm për ata që kanë biletë për udhëtim jashtë vendit.
• •Nuk lejohet qarkullimi në aksin Vorë – Tiranë.
• •Qytetarët që do të vijnë nga jashtë shtetit, nëpërmjet aeroportit të Rinasit, lejohet të qarkullojnë në drejtim të Tiranës.
