Gjatë mbajtjes së samitit të “Open Balkan” në Tiranë, teksa kryeministri Edi Rama po prezantonte Komisionerin e BE për Zgjerim, Oliver Varhelyi, atij i thyhet një gotë.
Ndërsa komisioneri nis të qeshë, kreu i qeverisë komenton thyerjen e gotës, duke thënë se “U thye një gotë, në traditën tonë syri i keq sa mori një goditje.”
Në fjalën e tij në samitin që po zhvillohet në Tiranë, Rama u ndal edhe tek ata që kanë dalë kundër kësaj nisme. Sipas tij, ata që nuk e duan Ballkanin e Hapur, duan diçka tjetër, ndërsa bëri thirrje që kush e do procesin e Berlinit, siç pretendojnë, duhet t’i bashkohet kësaj tryezë.
