Thyejnë xhamin dhe e spërkatin me benzinë, digjet makina në Vlorë

Një tjetër mjet është gjetur i djegur mëngjesin e kësaj të enjteje në Vlorë.

Mjeti i tipit “Fiat” mësohet se ka marrë flakë rreth orës 2 e 22 në lagjen “24  Maji”.

Sipas familjarëve, zjarrvënia është e qëllimshme pasi është thyer xhami i pasëm e më pas është spërkatur me benzinë.

Nga këqyrja e situatës në vendngjarje, familjarët jashtë kamerës thonë se nuk kanë asnjë konflikt me askënd.

Ndërkohë policia në njoftimin e saj zyrtar konfirmon ngjarjen ndërsa po hetohet për zbardhjen e plotë të saj.