Federata Evropiane e Futbollit (UEFA), ka dënuar ekipin e Partizanit të Beogradit dhe Lokomotiv Plovdiv të Bullgarisë, pas incidenteve të ndodhura në ndeshjet e Ligës së Europës javën e kaluar.
UEFA vendosi që ekipi i Partizanit të luajë dy ndeshjet e radhës në Europa League me dyer të mbyllura, për shkak të qasjes raciste të tifozëve në ndeshjen me klubin turk Malatyaspor. Ndeshje që ekipi serb e fitoi me rezultatin 3 me 1.
Ndërsa ekipi bullgar, Lokomotiv Plovdiv, nuk do të ketë tifozët ultras në ndeshjen e radhës për shkak të thirrjeve raciste të bëra në ndeshjen kundër ekipit francez, Strasbourg.
Këtë ndeshje ekipi bullgar e ka humbur me rezultat 1:0.
