Një 19-vjeçar është arrestuar nga policia, pasi dëmtoi stolat e stadiumit “Air Albania” dhe hodhi sende të forta në fushë gjatë ndeshjes Tirana-Kukësi.
I riu me iniciale F.Z. përfundoi në pranga për veprat penale “Shkatërrimi i pronës” dhe “Prishja e qetësisë publike”.
Sipas njoftimit të policisë, gjatë zhvillimit të ndeshjes Tirana – Kukësi, ky shtetas ka thyer stolat e stadiumit dhe ka hedhur sende të forta në fushë.
Ndërkohë, vijon puna për kapjen e personave të shpallur në kërkim dhe identifikimin e personave të tjerë të përfshirë në këto veprime të kundërligjshme.