Këngëtarja britanike me origjinë shqiptare Rita Ora ka kërkuar falje pas lajmit se ajo do duhej të ishte vetë-izoluar pas udhëtimit në Egjipt kur festoi ditëlindjen e saj të 30-të në një restorant në Londër muajin e kaluar.

 

30-vjeçarja fluturoi për në Egjipt me një avion privat në 21 nëntor për të performuar në hotelin me pesë yje W në Kajro.

 

Ajo u kthye në Angli të nesërmen dhe u kërkua, sipas rregullave të karantinës të qeverisë që të vetëizolohej për 14 ditë.

 

Në vend të kësaj, Ora festoi ditëlindjen në restorantin Casa Cruz në Notting Hill, duke shkelur masat e vendosura për parandalimin e koronavirusit, ku më pas kërkoi edhe falje publike.

 

Pasi dolën lajmet për festën e realizuar, këngëtarja tha se ishte “thellësisht e penduar” për veprimet e saj, e ku do të paguajë rreth 10,000 £ për organizimin e festës.

 

“Pas kthimit tim në Britani, duhet të kisha ndjekur masat dhe të izolohesha. Siç e dini, unë nuk i ndoqa këto rregulla… Unë përsëri kërkoj falje”, tha Rita.

Leave a Reply

Your email address will not be published.