Një 20-vjeçare ka përfunduar në prangat e policië, pasi theu masën e sigurisë “Arrest shtëpie”.
Bëhet fjalë për shtetasen me iniciale R.S. Ajo ka qenë në arrest shtëpiak për veprën penale “Vjedhja”, por gjatë kontrolleve nga uniformat blu, e reja nuk ishte në banesë.
Nga ana tjetër, policia ka arrestuar edhe çiftin Zamir dhe Bukurie Kalej, 53 dhe 48 vjeç.
Ata ishin shpallur në kërkim nga Policia e Shkodrës, pasi gjykata i ka dënuar secilin prej tyre me 5 vjet dënim, për veprën penale “Mashtrimi me pasoja të rënda”.
