Policia e Vlorës ka vënë në pranga një 36-vjeçar, të shpallur në kërkim pasi ishte “arratisur” nga vendi ku ishte duke vuajtur dënimin.
Sipas policisë Ervis Gjini, ishte dënuar për trafikim të lëndëve narkotike, por pas marrjes së lejes nga burgu i Fierit, ai nuk është kthyer më. Arrestimi i tij u bë në lagjen 1 “Maji” në Vlorër.
Gjithashtu, ky shtetas ka qenë në kërkim edhe për një tjetër vepër penale në fushën e vjedhjes pasi akuzohet për “Vjedhje” të kryer në bashkëpunim më shumë se një herë, parashikuar nga neni 134/2 i Kodit Penal, për të cilën Gjykata e Shkallës së Parë Vlorë e ka dënuar me 2 vite e 6 muaj burg.
