Në ditën ndёrkombetare të monumenteve tё kulturës, Thethi i është bashkuar qendrave të mbrojtura historike. Fshati me bukuri të rrallë në mes të alpeve në veri të Shqipërisë, ka luajtur kohët e fundit një rol mjaft të veçantë për turizmin dhe mbrojtja e tij u pa si një ndër vendimet më të rëndësishme të institutit të monumenteve.
Pjesa dërrmuese e Thethit ruan ndërtime të vjetra me vlera, si për arkitekturën ashtu edhe per traditat qe ruhen ende me besnikëri në këtë zonë. Thethi është vendbanim shumë i hershëm, duke u bazuar në të dhënat historike dhe zbulimet arkeologjike. Për herë të parë shfaqet i dokumentuar në defterin e regjistrimit të sanxhakut të Shkodrës, në vitin 1485.
