Theresa May shpërthen ndaj Bashkimit Europian

Kryeministrja britanike Theresa May ka lëshuar akuza të ashpra ndaj politikanëve dhe zyrtarëve europianë, se po përpiqen të ndikojnë në rezultatin e zgjedhjeve parlamentare të 8 qershorit përmes kërcënimeve për BREXIT. Në një fjalim të mbajtur pas një takimi me Mbretëreshën Elizabeta II për ta njohur me shpërndarjen e parlamentit dhe nisjen zyrtarisht të fushatës zgjedhore, ajo foli për burokratë të Brukselit, që dëshirojnë që bisedimet për daljen e Britanisë nga unioni të dështojnë, ndërsa shtypi europian ka keqinterpretuar qëndrimin e vendit të saj në negociata.

“Ditët e fundit kemi parë sa të vështira do të jenë bisedimet. Pozicioni i Britanisë në negociata është keqinterpretuar nga shtypi i kontinentit, qëndrimi i Komisionit Euriopian është ashpërsuar, kërcënimet ndaj Britanisë janë lëshuar nga zyrtarë dhe politikanë europiane. Të gjitha këto akte kanë si synim të ndikojnë në rezultatin e zgjedhjeve.”

Reklamë

Fundjavën e shkuar një gazetë gjermane raportoi se gjatë bisedimeve mes May dhe presidentit të Komisionit Europian, Juncker, ky i fundit ka theksuar se Brexit nuk do të rezultojë sukses.

Partia Konservatore e May kryeson sondazhet ndaj laburistëve, ndërsa kryeministrja ka theksuar se arritja e marrëveshjes më të mirë të BREXIT do të ishte detyra kryesore për atë që fiton zgjedhjet e 8 qershorit. Ajo u ka bërë thirrje votuesve që të japin mbështetjen për luftën për Britaninë.

Britania e Madhe është e vendosur per te mos paguar faturën prej 100 miliardë eurosh te kërkuar nga Bashkimi Europian per largimin e saj. Sekretari britanik për çështjen “Brexit”, David Davis, u shpreh më herët se vendi i tij do te paguaje atë cfare është e ligjshme dhe nuk është i gatshëm te plotësoje dëshirat e BE-se. BE, tha Davis po luan shume ashpër me shifrat.