Thellohet skandali i abuzimeve seksuale nga emigrantët në Këln te Gjermanisë, ndërsa policia ka raportuar se numri i denoncimeve për krime nga femrat ka arritur në mbi 200 raste. Në raportin e saj të fundit, policia evidenton se janë regjistruar 516 çështje kriminale, 40% e të cilave kanë të bëjnë me ngacmimet seksuale. Në pjesën dërrmuese te këtyre historive, rezulton se personat e dyshuar për këto sulme kanë qenë emigrantë ilegale nga Afrika veriore. Ky skandal që ka nxjerrë dhe qytetarët gjermane në rrugë, veçanërisht grupet ekstremiste, ka rritur ndjeshëm presionin ndaj kancelares Angela Merkel. Kjo e fundit është vënë në qendër të kritikave për shkak të politikës së saj me “dyer të hapura”, për refugjatët. Vetëm në vitin 2015, Berlini zyrtar vendosi të pranojë 1.1 milion azilantë. Qeveria në Gjermani ka njoftuar deportimin e të gjithë refugjatëve që akuzohen për agresione të tilla seksuale në vend. Të dielën, qindra tubues, kryesisht ata që i përkasin linjës ekstremiste, kanë protestues në rrugët e qytetit Biefeld, ku nuk kanë munguar përplasjet me policinë që ka përdorur edhe ujë me presion, për të shpërndarë demonstruesit.

Leave a Reply

Your email address will not be published. Required fields are marked *