“Coachella” ishte skena e radhës për Drake, megjithatë përfshirja e tij nuk është se ka qenë një nga eksperiencat më të mira të mundshme. Duket se reperi dhe këtu e ka ndjerë trysninë e diskriminimit rracor, ndaj ka akuzuar stafin e “The Madison Club” në Kaliforni, për diskriminim.
Duket se vendi në të cilin ai është akomoduar nuk i ka pëlqyer, pasi pavarësisht se është një nga më të bukurit dhe të shtrenjtët sërish ka diskriminim. Në një postim në Instagram, Drake shkruan:
“Vendi më fyes në të cilin kam qëndruar në gjithë jetën time, pasi stafi përgjegjës e zgjedh përmes profilizimit racor personin që do të akomodojë”.
“Madison Club” është konsideruar gjithnjë si parajsa e personave të pasur dhe të famshëm. Drake e vizitoi këtë vend gjatë tri ditëve të fundjavës ku u zhvillua dhe festivali “Coachella”. Ai ka qenë një nga këngëtarët e ardhur në minutë të fundit si i ftuar surprizë dhe performoi mbrëmjen e së shtunës.
