Ndërsa vendi pret çeljen e negociatave te anëtarësimit me BE, reforma ne drejtësi mbetet nje problem madhor per Shqipërinë. Ky shqetësim ngrihet ne nje artikull te publikuar ne faqen e internetit te gazetes amerikane “The Hill”, ku theksohet se partia Demokratike, qe iu kundërvu qe ne fillim kësaj reforme, nuk ka ndryshuar qendrim.

 

“Tani Partia Demokratike ka dale kundër dhe me 50% e përfaqësimit në trupat e reformës, kane mundur të bllokoje progresin e mëtejshëm. Aktualisht po bojkoton vetë parlamentin. Ka organizuar protesta dhe po kërkon dorëheqjen e qeverisë, pavarësisht se zgjedhjet e ardhshme jane pas pak muajsh. Fatkeqësisht është e qartë se c’po ndodh. Gjyqtarët dhe prokurorët po kundërpërgjigjen. Ata nuk duan ta humbasin status quo-ne”.

 

Artikulli thekson se po pengohen përpjekjet e qeverise se kryeministrit Rama per reformimin e sistemit te drejtesise.

 

“Ai s’mund të jete i sigurte as për aleatët e tij politikë. Ilir Meta, kryetari i Kuvendit, shpesh dyshohet se po punon kundër reformës në prapaskenë, edhe pse hiqet si aleat i Ramës. Ai së fundi mbrojti Prokurorin e përgjithshëm të Shqipërisë lidhur me kritikat ndaj ambasadorit Lu, duke theksuar se Shqipëria nuk duhet të mbikëqyret nga të huajt”.

 

Ne shkrim përmenden edhe reagimet e ambasadoreve Lu e Vlahutin. Lu ka theksuar se lideri i opozitës ka nxjerre gjithnjë justifikime per te refuzuar reformën, ndërsa ambasadorja e BE, ka thënë se drejtësia do te triumfoje, pavarësisht përpjekjeve te përsëritura per ta shtyre atë.

 

 

 

Leave a Reply

Your email address will not be published. Required fields are marked *