Presidenti i Kosovës Hashim Thaçi është takuar me kryesuesin e komisionit për punë të jashtme në Parlamentin Europian, David McAllister. Në takim u diskutua për rrugën e Kosovës drejt Bashkimit Europian. Sipas presidentit Thaçi, Kosova dhe BE janë të bashkuara në vlera e parime. Thaçi nënvizoi gjatë takimit se fuqia e vërtetë është uniteti dhe këmbëngulja në jetësimin e aspiratës euroatlantike.
McAllister u prit dhe nga kryeministri Ramush Haradinaj me te cilin bisedoi për aktualitetin politik dhe perspektiven euro-atlantike. Kryeministri i kërkoi eurodeputetit përkrahjen e tij në strukturat e parlamentit europian, për afirmimin ndërkombëtar të Kosovës. Europaralmentari David McAllister është raportues për Serbinë në Parlamentin Evropian. Muajin e fundit McAllister ka deklaruar se Kosova dhe Serbia kanë rritur nivelin e normalizimit të marrëdhënieve.
