Presidenti i Kosovës Hashim Thaçi, ka ftuar Spanjën të njohë Kosovën.
Gjatë një interviste për mediat, ai është shprehur se Kosova është një rast i veçantë në rrugëtimin e saj të lirisë dhe pavarësisë dhe për këtë nuk mund të krahasohet me asnjë shtet tjetër në botë.
“Në Kosovë ka pasur spastrim etnik dhe genocid nga ana e sundimit të Sllobodan Millosheviçit. Prandaj Spanja nuk është Serbi, nuk është e qeverisur nga Sllobodan Millosheviçi, e as Katalonja nuk është Kosovë”, – ka theksuar presidenti.
Duke folur për dialogun me Serbinë, Thaci shprehu besimin se ky proces do të përfundojë këtë vit.
Ai i bëri thirrje be-së të veprojë në mënyrë të unifikuar dhe të koordinuar me shba.
Ndërsa për taksën ndaj mallrave serbe, Thaçi u shpreh se ato janë një vendim i një shteti sovran dhe duhet të respektohen.
