Pas kthimit nga vizita dy ditore në Tiranë presidenti i Kosovës Hashim Thaçi nga pika kufitare e Morinës ka bërë thirrje që të hiqet njëherë e përgjithmonë kufiri që ndan Kosovën dhe Shqipërinë.
Sipas presidentit Thaçi këto vende janë ndarë padrejtësisht jashtë vullnetit popullit. Me anë të një statusi në rrjetet sociale kreu i shtetit ka theksuar se Kosova dhe Shqipëria duhet të kenë liri të lëvizjes dhe mallrave sipas standardeve evropiane. Këtë barrierë kufitare Thaçi e ka quajtur një gërmadhë të së shkuarës.
Gjithashtu kreu i shtetit i ka apeluar qe institucionet e Kosovës e Shqipërisë të guxojnë për të ndërmarrë këto vendime pa humbur kohë.