Presidenti i Kosovës, Hashim Thaçi, foli në lidhje me takimin e së dielës me presidentin e Serbisë, Aleksander Vuçiç në Bruksel.
Në një konference për shtyp kreu i shtetit u është përgjigjur kritikave të opozitës, se ai po e udhëheq dialogun pa përkrahjen e skenës politike në vend.
Në përgjigjen e tij, Thaçi theksoi se roli si president është një rol i zgjedhur nga populli dhe Kuvendi dhe kjo çështje si e tillë nuk duhet të personalizohet.
“Do të jetë një periudhë jo e shkurtë kohore kur duhet të marrim të gjithë përgjegjësi dhe pastaj ato mundësi që do të ofrohen, përgjigjen të marrim bashkarisht dhe po ashtu edhe përgjegjësinë”.
Në vijim të bisedimeve për dialog me Serbinë në Bruksel, ai tha se ato i zhvillon në bazë të mandatit që ka me Kushtetutën e Kosovës.
