Thaçi: Nuk tolerojmë ndërhyrjen e Serbisë në punët tona

Presidenti i Kosovës, Hashim Thaçi, tha se në ditën e zgjedhjeve parlamentare, më 11 qershor, shqetësim mbetet frikësimi dhe kërcënimi i qytetarëve, veçanërisht në pjesën veriore, raporton REL.

“Me përfaqësuesit e vendeve të Quint-it (v.j. pesë vendet kryesore euro-perëndimore) kërkova që t’ua bëjnë të qartë autoriteteve të Serbisë që nuk do të tolerohet interferimi në çështjet e brendshme të Kosovës”, shkroi Thaçi në Facebook.

Thaçi po ashtu falënderoi Komisionin Qendror të Zgjedhjeve, Policinë e Kosovës, Organizatën për Siguri dhe Bashkëpunim në Evropë, shoqërinë civile dhe vëzhguesit evropianë pasi, siç tha, “po bëjnë çdo gjë për të garantuar proces elektoral të drejtë dhe të suksesshëm”.