Presidenti i Kosovës Hashim Thaci njoftoi në profilin e tij në facebook se kishte zhvilluar një takim me kryeministrin Rama.
Thaçi shkruan se temë e bisedësh kishte qënë domosdoshmëria e hapjes së plotë të kufirit Kosovë-Shqipëri.
Por kreu I shtetit të Kosovës bën të ditur më tej se me Ramën diskutoi edhe për nevojën e bashkimit të faktorit shqiptar për rreth sensibilizimit të së drejtës të Luginës së Preshevës për tu bashkuar me Kosovën.
Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës.
