Presidenti i ri i Kosovës, Hashim Thaçi e cilëson të tejkaluar krizën politike në Kosovë, ndërsa u bën thirrje klasës politike të punojnë për procesin integrues të vendit në institucionet euroatlantike. Këto komente kreu i shtetit i bëri në një intervistë për Zërin e Amerikës. Ndërkohë, presidenti përsëriti se do të nxisë disa ndryshimeve në Kodin Penal, me qëllim forcimin e shtetit ligjor dhe shmangien e pranisë se personave të inkriminuar në institucionet e vendit. Thaçi u ndal dhe te raporti i DASH, duke thëne se Kosova do të vijojë përpjekjet për të luftuar korrupsionin dhe krimin e organizuar.
