Presidenti Hashim Thaçi ka kritikuar ndërkombëtarët duke thëne se Kosovës i është bërë padrejtësi, pasi vendi i ka plotësuar të gjitha kërkesat, por nga ana tjetër i janë shtuar kushtet.
Në tryezën me temë “Perceptimi publik i Gjykatës Speciale të Kosovës”, kreu i shtetit është shprehur se kjo gjykate duket se është ne favor te Serbisë.
“Si asnjëherë më parë, Thaçi ka kritikuar shtetet të cilat kanë kërkuar krijimin e Gjykatës Speciale, duke theksuar se si këmbim ato kishin premtuar një sërë përfitimesh për Kosovën por asnjë nga këto premtime, si: anëtarësimi i Kosovës në Këshillin e Europës, liberalizimi i vizave dhe premtime të tjera nuk janë përmbushur.”
Thaçi ka folur për raportin e publikuar nga Dick Marti, ku përmendet edhe emri i tij duke e quajtur te motivuar politikisht.
Ky raport sipas presidentit është botuar vetëm një ditë pas zgjedhjeve të përgjithshme të vitit 2010. Votimi i shpejt në Këshillin e Evropës nuk ka qenë i rastësishëm. Thaçi thekson me tej se raporti është shprehje e mllefit ndaj kontributit të SHBA-së dhe UÇK-së. Presidenti ka bërë me dije se 50 për qind e qytetarëve janë të gatshëm të protestojnë kundër Gjykatës Speciale, por nga ana tjetër theksoi se Kosova duhet të vazhdojë të sillet si shtet i përgjegjshëm.
