Presidenti Hashim Thaçi ka ripërsëritur se Komisioni Europian ka një qasje diskriminuese ndaj Kosovës, duke parë mungesën e liberalizimit të vizave nga ana e BE-së. Thaçi e ka cilësuar si “detyrim” kushtetues e ligjor pajisjen me pasaporta shqiptare të shtetasve kosovarë. Por presidenti Ilir Meta gjatë vizitës në Prishtinë, tha se kërkesa e Kosovës për një gjë të tillë rrezikon lëvizjen e lirë të shtetasve shqiptarë.
“Shqipëria mendoj se duhet të sillet në mënyrë të përgjegjshme duke i kryer obligimet e saj kushtetuese. Ky mund të jetë një vendim që më tepër ka karakter fisnik dhe human. Kërkesa ime nuk është presion, por është nevojë”, është shprehur Thaçi në një intervistë për Dojcevele.
