Firmoset marrëveshja mes Kosovës dhe Serbisë për hekurudhën dhe autostradën. Kjo është konfirmuar nga Ambasada e SHBA-ve në Berlin.
“Duke ndodhur tani- ora 9:30 në Mynih, ambasadori Grenell do të shoqërohet nga Presidenti Vuçiç dhe Presidenti Thaçi për ceremoninë e nënshkrimit për marrëveshjen për hekurudhën dhe autostradën mes Serbisë dhe Kosovës”, thuhet në postimin e Ambasadës në “Twitter”.
Në ceremoninë e nënshkrimit ka marrë pjesë ambasadori Richard Grenell, presidentët e dy vendeve, Hashim Thaçi dhe Aleksandër Vuçiç, ambasadori Philip Kosnett dhe Drejtori i Zyrës Serbe për Kosovën, Marko Gjuriç.
Thaçi i ka shprehur falënderime SHBA-ve për përpjekjet në arritjen e marrëveshjes përfundimtare, ndërsa e konsideroi këtë marrevshje një hap të rëndësishëm në arritjet e Kosovës për zhvillim ekonomik.
“Marrëveshja e sotme për hekurudha dhe autostrada është mesazhi më i mirë që rajoni do të ketë paqe, zhvillim ekonomik, progres, vende të punës, pra ajo çka ju duhet njerëzve tonë në Kosovë dhe Ballkanin Perëndimor”.