Skenderbeu pas dy suksesesh radhazi është mundur në transferten e Durrësit.
Teuta arriti një fitore dramatike në frymën e fundit duke surprizuar korçarët. Pjesa e parë nuk pati shumë raste, edhe pse ekipi i Shkëmbit kërkoi më shumë të gjente golin.
Në fraksionin e dytë ekipet patën një ritëm tjetër. Koliçi në disa raste u bë hero ndaj Vilës apo Vecajt, duke pritur disa topa në limite. Nga ana tjetër, edhe formacioni i Dajës doli disa herë shpejt në kundërsulm, por pa rezultat.
Kur u duk se ndeshja po shkonte drejt një barazimi pa gola, në minutën e 90-të një akrobaci e Lorenco Vilës, që u shoqërua edhe me një devijim të topit, nxorri jashtë loje Koliçin, dhe topi përfundoi në rrjetë.
Durrsakët rikthehen te fitorja pas katër barazimeve, dhe tani e shohin veten në vendin e pestë me 22 pikë.