Teuta është ekipi që ka pësuar më pak gola këtë sezon, duke dhënë sinjalet e qarta se skuadra është e ndërtuar për të fituar. 10 pikë larg Vllaznisë kryesuese nuk janë asgjë sipas drejtorit teknik të klubit Sulejman Starova, i cili në një intervistë për Vizion Plus tregon se djemtë e detit kanë synime maksimale për çdo ndeshje.
SULEJMAN STAROVA
DREJTOR TEKNIK I TEUTËS
”Skudra ishte e ndërtuar që në fillim të sezonit për të fituar titullin kampion. Edhe tani që po mbaron faza e dytë Teuta, gjendet në krye të klasifikimit me pikë të barabarta me skuadrat e tjera dhe me një Vllazni që është shkëputur ndjeshëm nga ekipet e tjera. Megjithatë mua nuk më duken shumë 10 pikë, kur e dimë se ka shumë ndeshje të tjera dhe gjithçka ëshhtë e mundur”
Starova e quajti skuadrën e kompletuar dhe të gatshme për të luftuar deri në fund për titullin kampion.
SULEJMAN STAROVA
DREJTOR TEKNIK I TEUTËS
“Skuadrën mund ta quaj të kompletuar, kemi lojtarë të rinj të cilët janë premtues për të ardhmen. Teuta ka të gjithë kontigjenin për të qënë deri në fund pretendentë për titullin kampion.”
Drejtori teknik i djemve të detit tha se projekti i Teutës është afatgjatë ndërsa tregoi promovimi i të rinjve është synimi kryesor
SULEJMAN STAROVA
DREJTOR TEKNIK I TEUTËS
“Projekti i Teutës sigurisht është afatgjatë pra nuk synojmë vetëm për sezon por dhe më shumë kaq . Objektivi i klubit janë dhe promovimi i të rinjëve , Ne kemi ativizuar deri tani si titullar Bregun , Krasniqin por mos harrojmë se kemi dhe Kapllanin apo Grudën lojtarë shumë cilësor. Zgjedhja në fund i takon trajnerit.”
Aktualisht, Teuta pozicionohet në vendin e 4 në klasifikim me 27 pikë ndërsa këtë javë pret Apoloninë në Niko Dovana.
