Tetova do të jetë tri ditë në gjendje zie pas zjarrit që përfshiu spitalin COVID, që la pas të paktën 14 viktima.
Vendimi për të shpallur tri ditë zi u mor gjatë një mbledhjeje të jashtëzakonshme të Këshillit të Komunës.
Kryetarja e Komunës së Tetovës, Teuta Arifi garantoi familjet e prekura se do të ndihmohen për të kapërcyer këtë situatë.
“Jam shumë e bindur që institucionet do të shikojnë të gjitha pistat dhe pasojat janë aq të mëdha dhe duhen gjetur shkaqet e kësaj tragjedie. Ju shpreh ngushëllime familjarëve që kanë humbur familjarët e tyre”, u shpreh ajo.
