40 vullnetarë në SHBA morën dozën e parë të vaksinës kundër koronavirusit. Ky është një eksperiment i financuar pjesërisht nga fondacioni “Bill dhe Melinda Gates”, si dhe nga Koalicioni për Inovacione të Përgatitjes Epidemike, pas rezultateve premtuese prej testeve te kafshët.
Vullnetarët e zgjedhur në Filadelfia dhe Kansas City do të marrin dozën e dytë të vaksinës, të quajtur Ino-4800, për katër javë.
Presidenti dhe CEO i “Inovio” tha: “Ky është një hap i rëndësishëm përpara në luftën globale kundër Covid-19. Pa një vaksinë të sigurt dhe efektive, kjo pandemi mund të vazhdojë të kërcënojë jetën e njerëzve. Ekipi ynë i studiuesve, partnerëve dhe financuesve u mobilizua që sekuenca gjenetike e virusit u bë e disponueshme në fillim të janarit, për të siguruar përparimin e shpejtë të Ino-4800”.
Sfida për kompaninë është të prodhojë një vaksinë brenda 12-18 muajve. Paralelisht, kompania po përpiqet të rrisë prodhimin e Ino-4800 dhe planifikon të përgatisë një milionë doza deri në fund të vitit për studime të mëtejshme, në pritje të udhëzimeve dhe financimit të duhur.
