Testet që e japin më shpejt përgjigjen nëse je infektuar apo jo me koronavirus do të jenë në dispozicion në Shqipëri brenda 10 javësh. Drejtori i OBSH për Evropën e konfirmoi diçka të tillë në një konferencë të përbashkët me ministren Ogerta Manastirliu.
“Jemi marrë me kohën e dorëzimit të testeve të shpejta pas 8 apo 10 javësh. Ne po përpiqemi ta përshpejtojmë. Shkenca ka lëvizur shpejt. Të gjithë po koordinohemi për të përshpejtuar këtë punë.”
Ministrja e Shëndetësisë nga ana tjetër theksoi se qeveria shqiptare e ka gati financimin për blerjen e testeve të shpejta.