I dyshuari kryesor per sulmin me kamion ne Stokholm ka pranuar autorësinë per “sulmin terrorist”, deklaroi avokati i tij. 39-vjecari Rakmat Akilov pranoi ngjarjen ne dëshminë e dhëne ne gjykate. Katër persona humben jeten dhe disa te tjerë u plagosen kur terroristi nga Uzbekistani goditi me kamion nje magazine tregtare ne nje nga rrugët me te frekuentuara këmbësore ne qendër te kryeqytetit suedez.
Ne seancën gjyqësore te zhvilluar me dyer te mbyllura dhe me siguri te përforcuar, sipas avokatit, Akilov ka pranuar te gjykohet me akuzën e terrorizmit. Ai ishte veshur me jeshile, ndërsa mbante ne koke nje shirit me te njëjtën ngjyre, por iu kërkua qe ta hiqte.
Policia suedeze deklaroi se Akilov ishte nje personazh i njohur per shërbimet e sigurisë. Atij i ishte mohuar marrja e lejeqendrimit ne Suedi, ndërsa kishte shprehur simpati per te ashtuquajturit shteti islamik. Uzbeku u largua nga vendngjarja pas sulmit dhe u arrestua disa ore me vone ne nje lagje ne veri te Stokholmit.
