Presidenti Ilir Meta shpreh solidaritetin me popullin kroat dhe iu uron shërim të shpejtë të plagosurve nga tërmeti që goditi mëngjesin e kësaj të diele Zagrebin.
Përmes një postimi në “Facebook”, kreu i shtetit shkruan se Kroacia po përballet me një moment tepër të vështirë.
“Mendimet tona janë me popullin kroat, në veçanti me të prekurit e të plagosurit nga tërmeti dhe familjarët e tyre, të cilëve ju uroj shërim të shpejtë! Në këto momente tepër të vështira për Kroacinë mike, që po përballet edhe me pandeminë COVID 19, shpreh të gjithë solidaritetin dhe mbështetjen tonë.”
Një tërmet me mganitudë të shkallës 5.3 Rihter dhe që zgjati 10 sekonda shkundi këtë të diel Kroacinë. Kjo lëkundje shkaktoi dëme materiale, veçanërisht në objekte të vjetra në qendrat e trashëgimisë.
