Prej dy muajsh që goditi tërmeti I 1 qershorit me pasoja më të rënda në fshatin Floq të Korçës, solidariteti dhe humanizmi po dëshmohet në vazhdimësi. Komuniteti mysliman ka treguar se është ndodhur me ndihma të përditëshme për familjet në vështirësi të Floqit duke ndjekur gjendjen atje.
Kryetari i Komunitetit Mysliman Bujar Spahiu, të premten vizitoi fshatin Floq ku u dhanë edhe ndihmat në vlera financiare dhe ushqimore. Kryebashkiaku I Korçës Sotiraq Filo që shfaqi sërish gadishmërinë e tij për të lehtësuar me çdo mundësi gjendjen që po kalojnë banorët e Floqit, I bëri të ditur kreut të Komuniteti Mysliman masat që ka marë bashkia por edhe qeveria pas kësaj fatkeqësie natyrore.
Nga ana e tij, edhe Z. Spahiu u shpreh se për tërmetin e 1 qershorit dhe pasojat e tij vjen edhe solidariteti I komunitetit mysliman. Një ndihmë financiare me vlerë reth 6.5 milion lekë të vjetra është mbledhur në xhamitë e Shqipërisë dhe shkon për banorët e Floqit që ti përdorin për këtë situatë.
Ndërkaq, në fshatin Floq, shoqata të ndryshme islame në bashkëpunim me Myftininë, Prefekturën dhe bashkinë e qytetit po I vijnë në ndihmë banorëve të Floqit por edhe atyre në Qafzes dhe Vidohovë që u prekën më rëndë nga tërmeti. Mbi 150 persona janë trajtuar me veshmbathje, për 75 familje janë ndarë pako ushqimore dhe për 14 familjet që strehohen te shkolla e Floqit ndahet nga një vakt ushqimor falas I përgatitur.
Sipas të dhënave, reth 35 milion lekë të vjetra ndihma për fshatin Floq ka dhënë fondacioni ‘Mirësia’ I mbështetur nga shoqata e Katarit.
Këto mbështetje nga ana e Komunitetit Mysliman pritet të vazhdojnë edhe gjatë muajit gusht me nga një vakt ushqimor për banorët e Floqit, pasi gjendja në këtë fshat nuk është stabilizuar ende për një jetë normale.
