Tërmeti godet Iranin dhe Irakun

Një tërmet me magnitudë 7.3 ballë ka tronditur rajonin kufitar verior midis Iranit dhe Irakut, duke vrarë të paktën 348 njerëz dhe duke plagosur mijëra të tjerë.

Një agjenci iraniane e ndihmës tha se 70.000 njerëz kishin nevojë për strehim pas tërmetit, një nga më të mëdhenjtë këtë vit.

Shumica e viktimave janë nga provinca perëndimore e Iranit, Kermanshah, ndërsa 11 të tjerë humbën jetën në Irak. Të paktën 5.660 persona janë raportuar të plagosur.

Spitali kryesor i qytetit pësoi dëme të konsiderueshme materiale, duke vështirësuar kështu mjekimin e mijëra të plagosurve. Ndërsa shumë shtëpi në zonën malore janë ndërtuar me baltë dhe tulla dhe rrezikojnë të shemben.

Tërmeti goditi në një thellësi relativisht të cekët prej 23.2 km dhe dridhjet u ndjenë në Turqi, Izrael dhe Kuvajt.

Irani është një nga vendet me aktivitetin më të lartë sizmik.

Në vitin 2003, një tërmet 6.6 balle shkatërroi qytetin historik të Bam në Iranin juglindor, duke vrarë 26.000 njerëz.