Kjo e premte mbyll zyrtarisht operacionin e strehimit të banorëve të prekur nga tërmeti në hotele. Ministri i Turizmit njoftoi se 4200 banorët e strehuar janë rikthyer në banesat e tyre ose në shtëpi me qira.
Operacioni konsiderohet i mbyllur. Në 16 hotelet janë evakuuar 4200 banoret e strehuar prej më shumë se dy muaj.
Kategoria e strehuar në hotele ishin ata që prisnin verifikimin ë dëmeve në banesa, si dhe riparimin e tyre, ndërsa pjesa tjetër ishin familje që përfitonin bonusin e qirave.
Në këtë mënyrë, njësitë akomoduese kanë nisur përgatitjet për nisjen e sezonit të ri turistik, sezonin i cili këtë vit mbart sfida.