Një tërmet shkatërrimtar ka goditur Ekuadorin, duke shkaktuar të paktën 233 viktima dhe plagosur rreth 1500 të tjerë. Lëkundjet e tokës kanë rene në veri – perëndim të Ekuadorit. Ato kanë qenë shumë të forta dhe përllogariten me manjitudë 7.8, duke e bërë këtë tërmetin më të fuqishëm që prej vitit 1979 në këtë shtet. Pasojat kanë qenë të rënda me ndërtesa dhe ura të rrëzuara. Qyteti më i goditur duket të jetë ai i Musinese, ku janë përqendruar pjesa më e madhe e grupeve të evakuimit. Presidenti i vendit, i cili kthehet nga një udhëtim në Itali, ka deklaruar gjendjen e jashtëzakonshme. Sipas mediave, pritet që numri i viktimave të rritet, pasi ka persona që kanë marrë plagë të renda nga rrëzimi i ndërtesave.
